• Kanali Muslimani Ideal

Goditet nga mësyshi në prani të të Dërguarit ﷺ

Së pari, duhet ta dimë se mësyshi është një realitet. Ai që e mohon ekzistencën e mësyshit, veçse ka mohuar argumente të qarta nga Kurani dhe Suneti.

Në hadithin që transmeton Ebu Hurejra dhe Ibn Abasi, radijAllahu anhume, i Dërguari i Allahut ﷺ ka thënë: 

''Mësyshi është i vërtetë, dhe sikur të kishte diçka që do t’i paraprinte kaderit, do të ishte mësyshi.'' (Buhariu dhe Muslimi)

🖇 Ibn Haxheri, në komentimin e këtij hadithi, ka thënë: “Ky hadith tregon fuqinë e mësyshit, me qëllim që të theksohen pasojat e mëdha që mund të shkaktojë. Megjithatë, nga hadithi nuk nënkuptohet se në realitet ai mund t’i paraprijë kaderit, ngase nuk ka diçka që mund t'i paraprijë caktimit të Allahut.''

📃 Le të ndalemi te një ngjarje interesante që ka ndodhur gjatë një prej udhëtimeve të të Dërguarit të Allahut ﷺ, së bashku me sahabët e tij.

🖇 Nga Ebu Umame, biri i Sehl ibn Hunejfit, transmetohet se babai i tij kishte treguar se i Dërguari i Allahut ﷺ kishte dalë dhe kishin udhëtuar me të drejt Mekës, derisa arritën në vendin e quajtur “Shiab el-Harar” pranë Xhuhfes. Aty, Sehli ishte larë. Ai kishte qenë një burrë i bardhë, me lekurë dhe trup të mirë, atëherë, një njeri i quajtur Amër ibn Rebia, nga fisi Benu Adij ibn Kab, e pa atë duke u larë dhe tha: “S’kam parë kurrë diçka të tillë (duke aluduar për lekurën e bardhë të Sehlit)...''

Menjëherë pas kësaj, Sehli ra përdhe pa ndjenja. E çuan te i Dërguari i Allahut ﷺ dhe i thanë: “O i Dërguari i Allahut! “A ke mundësi të bësh diçka për Sehlin? Pasha Allahun, ai as nuk ngre kokën, as nuk vjen në vete!”

I Dërguari i Allahut ﷺ tha: “A dyshoni te ndokush që mund ta ketë bërë këtë?”

Thanë: “Po, e ka parë Amër ibn Rebia.”

I Dërguari i Allahut ﷺ e thirri, dhe u zemërua me të, duke i thënë: “Pse dikush prej jush dëshiron ta vrasë vëllain e tij? Kur sheh diçka që të pëlqen, pse nuk e bekon (të thuash: Allahume barik etj.)

Pastaj urdhëroi që Amëri të lahej për të. Ai lau fytyrën, duart, bërrylat, gjunjët, shputat e këmbëve dhe pjesën e brendshme të izarit të tij në një enë. Pastaj ia hodhën këtë ujë Sehlit nga pas koke dhe shpinës. Kur mbaruan, enën e përmbysën pas tij. Pas kësaj, Sehl u ngrit dhe u bashkua me njerëzit sikur të mos kishte pasur asgjë. (Transmeton Imam Ahmedi dhe Ibn Maxhe)

Andaj, nuk ka dyshim se mësyshi është i vërtetë, dhe ai mund të vrasë. Kjo është fjala e dijetarëve të umetit dhe qëndrimi i Ehli Sunetit. Vetëm një pjesë e bidatçinjve, të cilët kundërshtojnë Sunetin dhe ixhman e dijetarëve të këtij umeti, e kanë mohuar këtë.

Dijetarët kanë thënë: ''Nëse dikush është prekur nga mësyshi dhe nuk dihet se kush e ka marrë mësysh, atëherë atij i bëhet rukje. Ndërsa nëse dihet se kush e ka marrë mësysh, këtë rast personi që ka marrë mësysh urdhërohet të marrë abdes, dhe uji i atij abdesi duhet të derdhet mbi kokën e personit të dëmtuar nga mësyshi.''

📖 Marrë nga libri "Er-Rukjeh esh-sheri'jeh" i shejhut Ahmed Ibn Nasir et-Tajar

📌 Përktheu: Eralb Havolli